Xalq deputatlari Uchquduq tuman Kengashining 5-“Yoshlar” saylov okrugidan saylangan deputati M. Xudoyberdiyeva tomonidan “Do‘stlik” mahalla fuqarolar yig‘ini hududida joylashgan ichki ko‘cha yo‘llari, avtomobil yo‘llarining texnik holati hamda yo‘l-transport hodisalarining oldini olish borasida amalga oshirilayotgan ishlar yuzasidan o‘rganish olib borildi.

O‘rganish jarayonida hududdagi mavjud yo‘llarning holati, harakat ishtirokchilari uchun yaratilgan sharoitlar, yo‘l belgilari va xavfsizlik infratuzilmasining amaldagi holati ko‘zdan kechirildi. Shuningdek, aholi tomonidan bildirilgan murojaat va takliflar tinglanib, mavjud muammolarni bartaraf etish hamda yo‘l harakati xavfsizligini yanada mustahkamlash yuzasidan tegishli mas’ul tashkilotlar bilan hamkorlikda zarur choralar ko‘rish bo‘yicha tavsiyalar berildi.
Mazkur o‘rganishlar hudud infratuzilmasini yaxshilash, fuqarolar uchun qulay va xavfsiz harakat muhitini yaratish hamda yo‘l-transport hodisalarining oldini olishga qaratilgan amaliy ishlarning samaradorligini oshirishga xizmat qiladi.

Aholining xavfsiz va farovon hayot kechirishi yo‘lida tizimli ishlar davom ettiriladi.