Xalq deputatlari Urganch shahar Kengashi deputati N.Sharipova Kambag'allikdan farovonlik sari dasturi doirasida shahardagi "Jingavuz" mahallasidagi bir guruh extiyojmand oilalar vakillari bilan uchrashdi.

Uchrashuv davomida dastur doirasida amalga oshirilayotgan islohotlarning mazmun-mohiyati, xususan, ehtiyojmand oilalarni ijtimoiy qo‘llab-quvvatlash, ularning daromad manbalarini yaratish va bandligini ta’minlash masalalari atroflicha muhokama qilindi.

Fuqarolar bilan suhbat jarayonida deputat N.Sharipova har bir oilaning yashash sharoiti, muammolari va takliflarini yakka tartibda tingladi.

Muloqot davomida asosan o‘z xonadonida kichik biznes yoki hunarmandchilikni yo‘lga qo‘ymoqchi bo‘lgan fuqarolarga imtiyozli kreditlar va subsidiyalar ajratish, ishsiz oila a’zolarini mavjud bo‘sh ish o‘rinlariga joylashtirish hamda zamonaviy kasb-hunarlarga qayta o‘qitish bo‘yicha aniq choralar belgilab olindi.