Xalq deputatlari Pastdarg‘om tuman Kengashi deputati D. Mardonova tomonidan hududlarda tadbirkorlik subyektlari faoliyatini o‘rganish, aholi bandligini ta’minlash va ishlab chiqarish jarayonlarini qo‘llab-quvvatlash ishlari davom etmoqda.

Shu maqsadda deputat yuritayotgan “Diyorabonu Fayz” MCHJ tikuv sexida bo‘lib, korxonaning bugungi faoliyati, ishchi-xodimlar uchun yaratilgan sharoitlar hamda ishlab chiqarish jarayoni bilan yaqindan tanishdi.

O‘rganish davomida korxonada xotin-qizlar bandligini ta’minlash, yangi ish o‘rinlari yaratish va mahalliy ishlab chiqarishni rivojlantirish borasida amalga oshirilayotgan ishlarga alohida e’tibor qaratildi. Shuningdek, tadbirkor tomonidan mavjud muammo va takliflar tinglanib, ularni hal etish yuzasidan tegishli tavsiyalar berildi.

Bunday uchrashuv va o‘rganishlar hududlarda tadbirkorlikni yanada rivojlantirish hamda aholi farovonligini oshirishga xizmat qiladi.