Xalq deputatlari Urganch shahar Kengashning Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishi bo‘lib o‘tdi.

Yig‘ilishda kun tartibida shaharda yoshlar uchun yozgi ta’til davrini mazmunli va samarali tashkil etishga qaratilgan “Dolzarb 90 kun” chora-tadbirlari dasturini tasdiqlash masalasi ko‘rib chiqildi.

Dastur doirasida yoshlarning bo‘sh vaqtini samarali tashkil etish, ularni sport, madaniyat, ma’naviyat va turli to‘garaklarga keng jalb etish bo‘yicha rejalashtirilgan tadbirlar muhokama qilindi.

Muhokamalar yakunida kun tartibidagi masala yuzasidan shahar hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari A.Isakovga shahardagi 40 ta mahallada yoshlarning yozgi ta’til davrini mazmunli tashkil etishga qaratilgan maqsad va vazifalar to‘liq hisobga olinishi va mazkur chora-dadbirlar rejasini maromiga yetkazish yuzasidan tegishli taklif va tavsiyalar berildi.