Mirzo Ulug‘bek tumani Liberal-demokratik partiyasi tomonidan sug‘urta sohasini rivojlantirish, aholining moliyaviy savodxonligini oshirish hamda xususiy sektorni qo‘llab-quvvatlashga qaratilgan targ‘ibot tadbiri tashkil etildi. 

Tadbirda partiyaning mamlakatimizda tadbirkorlik muhitini yaxshilash, sug‘urta xizmatlari sifatini oshirish va aholi hamda biznes subyektlarining moliyaviy himoyasini kuchaytirish borasidagi ustuvor vazifalari haqida atroflicha ma’lumot berildi.

Shuningdek, sug‘urta sohasida raqamlashtirish jarayonlarini kengaytirish, elektron xizmatlar ulushini oshirish, fuqarolar uchun qulay va ishonchli sug‘urta tizimini shakllantirishga qaratilgan qonunchilik islohotlari yuzasidan fikr almashildi.

Uchrashuv ochiq muloqot ruhida o‘tib, soha xodimlarining taklif va tashabbuslari tinglandi. Ta’kidlanganidek, bunday tadbirlar sug‘urta sohasini yanada rivojlantirish va aholi ishonchini mustahkamlashda muhim ahamiyat kasb etadi.