#tavsiyalar_asosida

Xalq deputatlari Kogon shahar Kengashi raisi A. Yangiyev, kotibiyat mudiri Sh. Isamutdinov, Kengashning agrar, suv xo‘jaligi va ekologiya masalalari bo‘yicha komissiya raisi A. Ergashev hamda mutaxassislar I. Ikromov va Z. Temirovalar Amir Temur MFYdagi mahalla guzari holati bilan tanishdilar.

O‘rganish davomida guzardagi mavjud holat, obodonlashtirish ishlari va hududning umumiy tartibi ko‘zdan kechirildi. Hududni yanada chiroyli va fayzli maskanga aylantirish, obodonlashtirish ishlariga jiddiy yondashish hamda aniqlangan kamchiliklarni bartaraf etish yuzasidan tegishli tavsiyalar berildi.

Shu bilan birga, obodonlashtirish ishlarini yanada jadallashtirish maqsadida 13-iyun kuni hududda hashar yo‘li bilan keng ko‘lamli tozalash va obodonlashtirish tadbirlarini amalga oshirish rejalashtirildi. Mazkur hashar doirasida mahalla guzari va uning atrof hududlarini tartibga keltirish, chiqindilardan tozalash hamda ko‘kalamzorlashtirish ishlarini kuchaytirish belgilandi. Tadbirda mahalla faollari va keng jamoatchilik ishtiroki ta’minlanishi ko‘zda tutilmoqda.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash