O‘zbekiston Respublikasining 2021-yil 1-apreldagi O‘RQ-680-sonli “Dehqon xo‘jaligi to‘g‘risida”gi Qonuni dehqon xo‘jaliklarini tashkil etish va yuritish sohasidagi munosabatlarni tartibga soladi. Mazkur qonun dehqon xo‘jaliklarining huquq va majburiyatlari, yer uchastkalaridan foydalanish hamda qishloq xo‘jaligi mahsulotlarini yetishtirish faoliyatining huquqiy asoslarini belgilaydi.

Xalq deputatlari Paxtakor tumani Kengashi deputati I. Yakubov tomonidan ushbu qonun ijrosi yuzasidan o‘rganish ishlari olib borildi. O‘rganish davomida dehqon xo‘jaliklari faoliyatida qonun talablariga rioya etilishi, yer maydonlaridan maqsadli foydalanish hamda sohaga oid me’yoriy-huquqiy hujjatlar ijrosi tahlil qilindi.

Aniqlangan holatlar yuzasidan tegishli tavsiya va takliflar berilib, qonun ijrosini ta’minlash bo‘yicha mas’ul tashkilotlar faoliyati deputatlik nazoratiga olindi.