Jumladan, Xalq deputatlari Marg‘ilon shahar Kengashi raisi O.Axmatshayev, kotibiyat mudiri A.Ermatov, doimiy komissiyalar raislari hamda kotibiyat bosh mutaxassislari ishtirokida «Fuqarolarning o‘zini o‘zi boshqarish organlari to‘g‘risida»gi O‘zbekiston Respublikasi Qonuniga o‘zgartish va qo‘shimchalar kiritish haqida»gi O‘zbekiston Respublikasi Qonuni (O‘RQ–350-son, 2013-yil 22-aprel) ijrosini o‘rganish bo‘yicha tayyorgarlik ishlari olib borildi.

Deputatlar tomonidan mazkur qonunning amaliyotdagi ijrosini har tomonlama tahlil qilish maqsadida qonun ijrosini ta’minlashga qaratilgan tegishli qonunosti hujjatlari jamlandi va o‘rganildi. Shuningdek, qonun hamda unga aloqador normativ-huquqiy hujjatlarda belgilangan vazifalarning bajarilish holatini aniqlash yuzasidan maxsus savolnoma ishlab chiqildi.

Mazkur savolnoma orqali fuqarolarning o‘zini o‘zi boshqarish organlari faoliyatining qonunchilik talablariga muvofiqligi, yuklatilgan vazifalarning ijro etilish darajasi hamda mavjud muammolarni aniqlash rejalashtirilgan.

Xalq deputatlari Marg‘ilon shahar Kengashi tomonidan qonun hujjatlarining ijrosini o‘rganish, ularning amaliy natijadorligini baholash hamda aniqlangan kamchiliklarni bartaraf etish bo‘yicha taklif va tavsiyalar ishlab chiqishga qaratilgan ishlar davom ettirilmoqda.