Xalq deputatlari Kattaqo‘rg‘on shahar Kengashi 5-Talabalar saylov okrugi deputati 

Dilfuza Anziratova

Mahalla faollari samarali faoliyat olib borishi, hududda tinchlik va osoyishtalik hamda sog‘lom ma’naviy muhit barqarorligini ta’minlash, fuqarolarning og‘irini yengil qilish, quvonch va tashvishlarini baham ko‘rish uchun shart-sharoitlar yaratish - bu mahallamizning asosiy maqsadi, — deydi MFY raisi Odiljon Tog‘ayev. — Bunday imkoniyatga yarasha ish samaradorligimizni oshirmog‘imiz hayotiy zaruratdir. Zero, mahalladagi osoyishtalik va obodlik, oilalardagi xotirjamlik har bir insonning bugungi kundan rozilik hissi bilan yashayotganini dalillaydi. Shuningdek, obodonlashtirish-ko‘kalamzorlashtirishda umumxalq hasharlarni tashkil etish, to‘y va ma’raka marosimlarni tartibga solish, aholi va yoshlar o‘rtasida huquqbuzarliklarning oldini olish ishlari ham endilikda mahalla faollari va ahlidan yakdillikni talab etadi.

️2026-yil 6-aprel kuni “Mehrjon” mahalla fuqarolar yig‘inida mahalla yettiligi bilan hamkorligida “Narpay tuman tajribasi” namunasida aholini qiynab kelayotgan masalalar, xususan, ekologiya, infratuzilma, obodonlashtirish, ijtimoiy soha hamda kundalik hayot bilan bog‘liq muammolar o‘rganildi. Fuqarolarning murojaatlari tinglanib, har bir masala yuzasidan amaldagi qonunchilik doirasida tushuntirishlar berildi.