DEPUTAT TAShABBUSI: YoShLAR UChUN KITOBXONLIKKA QADAM

🔹 Yoshlarning bo‘sh vaqtini mazmunli tashkil etish, ularni kitobxonlikka keng jalb etish hamda ma’naviy-ma’rifiy muhitni mustahkamlash maqsadida tuman Kengashi deputati Qahramon Makarov tomonidan Ulug‘bek MFY hududida tashkil etilgan kutubxona fondi yanada boyitildi.

🔹 Kutubxonaga milliy va jahon adabiyoti namunalaridan iborat badiiy kitoblar to‘plami taqdim etildi. Mazkur kitoblar yoshlarning qiziqishlari va yosh toifalari inobatga olingan holda tanlab olingani bilan ahamiyatlidir.

🔹 Ushbu amaliy tashabbus yoshlar o‘rtasida kitobxonlik madaniyatini rivojlantirish, ularning ma’naviy dunyoqarashini boyitish va intellektual salohiyatini oshirishga xizmat qiladi.

🔹 Shuningdek, kutubxona faoliyatini jonlantirish maqsadida turli ma’naviy-ma’rifiy tadbirlar, kitobxonlik kechalari va uchrashuvlar tashkil etish rejalashtirilgan.

🔹 Bunday tashabbuslar yosh avlodni ilm-ma’rifatga yo‘naltirish, ularni mustaqil fikrlaydigan, keng dunyoqarashga ega shaxslar etib tarbiyalashda muhim ahamiyat kasb etadi.