Xalq deputatlari Uchquduq tuman Kengashi kotibiyat xodimi T.Xaydarov tomonidan tuman Kengashi deputati A.Buronov nomidan “Mustaqillik” MFYda yoshlar yetakchisi tomonidan amalga oshirilayotgan tadbirlar samaradorligi hamda yoshlar bandligini ta’minlash borasidagi ishlar holati o‘rganildi.

 O‘rganish davomida aniqlanishicha, 2026-yilning I choragi davomida yoshlar bandligini ta’minlash doirasida 11 nafar ishsiz yosh bandlik dasturiga kiritilgan.

 Shundan:

10 nafar yosh ish bilan ta’minlangan:

9 nafari NKMK SHKBga qarashli korxonalarga,

1 nafari tumandagi 3-sonli maktabga o‘qituvchi sifatida ishga qabul qilingan.

1 nafar yoshni ishga joylashtirish bo‘yicha ishlar davom etmoqda.

 Shuningdek, mahalladagi 17 nafar otaliqqa olingan yoshlar tegishli tuman tashkilotlari rahbarlariga biriktirilgan.

 O‘rganish natijalari yuzasidan tegishli tavsiyalar berilib, yoshlar bandligini yanada oshirish bo‘yicha vazifalar belgilab olindi.