Xalq deputatlari Nurobod tumani Kengashining tegishli qaroriga asosan, tumandagi ijtimoiy reyestrda ro‘yxatda turgan, I guruh nogironligi bo‘lgan hamda mehnatga layoqatli a’zosi mavjud bo‘lmagan 31 ta oila xonadonida muhim qurilish-ta’mirlash ishlari amalga oshiriladi.

🏠 Jumladan, ushbu xonadonlarda:

devor va tom qismlarini issiqlik izolyatsiya qilish, energiya tejamkor deraza va eshiklar o‘rnatish, quyosh panellari yoki geliokollektorlar o‘rnatish ishlari bajariladi.

Mazkur ishlar O‘zbekiston Respublikasi Prezidentining 2026-yil 

30-yanvardagi PF-17-sonli farmoniga muvofiq amalga oshiriladi. Ushbu farmonga ko‘ra, “Infratuzilma va ijtimoiy barqarorlik” jamg‘armasi mablag‘laridan foydalanish xalq deputatlari mahalliy Kengashlari qarorlari asosida yo‘lga qo‘yilgan.

💰 Nurobod tumani “mahalla yettiligi” xulosalari asosida yuqoridagi ishlarni amalga oshirish uchun zarur qurilish materiallari va jihozlarni xarid qilish maqsadida jami 1 milliard 916 million so‘m mablag‘ ajratish taklifi ma’qullandi.

✅ Ushbu loyiha aholining yashash sharoitini yaxshilash, energiya tejamkorligini oshirish hamda ijtimoiy himoyaga muhtoj oilalarni qo‘llab-quvvatlashga xizmat qiladi.