O‘zbekiston Respublikasi Oliy Majlisi Qonunchilik palatasining ishchi guruhi Qiziltepaga tashrif buyurdi.

Mamlakatni 2024 yilda ijtimoiy-iqtisodiy rivojlantirishning ustuvor yo‘nalishlari doirasida belgilangan muhim vazifalarning ijro etilish holatini o‘rganish bo‘yicha O‘zbekiston Respublikasi Oliy Majlisi Qonunchilik palatasining ishchi guruhi a’zolari  O‘zbekiston Respublikasi Oliy Majlisi Qonunchilik palatasi Sanoat, qurilish va savdo masalalari qo‘mitasining raisi N. Jumayev, O‘zbekiston Respublikasi Oliy Majlisi Qonunchilik palatasi Fan, ta’lim, madaniyat va sport masalalari qo‘mitasining a’zosi I. Korjikova, O‘zbekiston Respublikasi Oliy Majlisi Qonunchilik palatasi Sanoat, qurilish va savdo masalalari qo‘mitasining a’zosi A. Tulegenova, O‘zbekiston Respublikasi Oliy Majlisi Qonunchilik palatasi Xalqaro ishlar va parlamentlararo aloqalar qo‘mitasining a’zosi O‘. Islamov, Xalq deputatlari Navoiy viloyat Kengashi kotibiyat mudiri J. Hamroyev Qiziltepa tumanida bo‘lishdi.

Tumanga tashrif jarayonida hokimlik binosida hokim o‘rinbosarlari, deputatlar va bir qator soha vakillari bilan uchrashuv o‘tkazilib, ularning takliflari tinglandi.

Shundan so‘ng hududlarda amalga oshirilayotgan ishlarni o‘rganish maqsadida ishchi guruh a’zolari "Toshrabot tekstil" MCHJ,  "SVS Navoiy" MCHJ XK, "Nurli hayot ice cream" MCHJlar faoliyati bilan hamda tuman "Yashil makon" dasturi doirasida amalga oshirilgan ishlar bilan tanishildi.