📌DEPUTATLÍQ QADAǴALAW ORNATÍLMAQTA.

Xalıq deputatları Nókis rayonlıq Keńesi deputatı M.Begdullaev tárepinen Nókis rayonı "Samanbay" awıl puqaralar jıyını aymaǵında xalıqtıń abadanlıǵın arttırıw hám awıl xojalıǵı nátiyjeliligin kúsheytiwge qaratılǵan áhmiyetli joybar boyınsha “deputatlıq qadaǵalaw” ornatılıp, úyreniw jumısları alıp barıldı.

Joybar sheńberinde xalıqtıń qıytaq jerleri hám awıl xojalıǵı eginlerin suwǵarıw sistemasın jaqsılaw maqsetinde "Ústirt trans" JSHJ tárepinen 5 km lotok (beton salma) ornatıw rejelestirilgen bolıp, bul suwǵarıw sistemasınıń nátiyjeliligin sezilerli dárejede arttırıwǵa xızmet etedi.

Usı ámeliy jumıslar nátiyjesinde:

💧 Suw joǵaltılıwınıń aldı alınadı.

🌱 Qıytaq jerlerden únemli paydalanıw imkaniyatı keńeyedi.

🌾 Awıl xojalıǵı ónimdarlıǵı artadı.

💰 Xalıqtıń dáramatları kóbeyiwine tiykar jaratıladı.

Bunday infrastrukturalıq joybarlar aymaqtı kompleksli rawajlandırıw hám xalıqtıń turmıs dárejesin jaqsılawda úlken áhmiyetke iye.