Oliy Majlis Senati ishchi guruhi a’zolari Ishtixon tumanida bo‘lib, xotin-qizlar bandligini ta’minlash, ularni tadbirkorlik faoliyatiga keng jalb qilishga qaratilgan ishlar holati bilan tanishdi.

Shundan so‘ng Oliy Majlis Senati ishchi a’zolari, tuman Kengashi raisi, viloyat va tuman Kengashi kotibiyati mudirlari, tuman hokimligi mas’ullari, mahallaga biriktirilgan tuman deputatlari va mahalla faollari bilan mulqot o‘tkazildi.

Uchrashuv davomida xotin-qizlarni kasb-hunarga o‘qitish, bandligini ta’minlash va tadbirkorlikka jalb qilish bo‘yicha ishlarni mutlaqo yangicha yondashuvlar va tizim asosida tashkil qilish bo‘yicha topshiriqlar berildi.

Shuningdek, tuman mas’ullari hamda “Mahalla yettiligi”ga uy sharoitida o‘zini o‘zi band qilgan fuqarolarning faoliyatini rasmiylashtirish, oilaviy tadbirkorlik loyihalarini kengaytirish, dual ta’lim tizimi asosida ayollarni kasb-hunarga o‘qitish orqali kooperatsiya shaklida bandligini ta’minlash bo‘yicha vazifalar belgilab berildi.