Oliy Majlis Qonunchilik palatasi deputati M.Xodjayeva hamda tuman Kengashi deputati A.Xudayqulovlar Qibray tumanidagi eng na'munali mahallalardan biri bo'lmish "Uymavut" MFY faoliyati o'rganildi. 

Mahallada fuqarolarni qo'llab-quvvatlash va ularning ehtiyojlariga javob berish masalalarida sezilarli faollik ko'rsatilganligi ta'kidlandi. Biroq, hozirgi kunda MFY faoliyatini to'liq amalga oshirishda muhim bo'lgan yagona muammo sifatida MFY binosining eskirganligi aniqlandi.

Mazkur muammo bo'yicha deputat Mohira Xodjayeva va Tashkent viloyati ekologik partiyasi raisi Furqat Ahmedjonov birgalikda tegishli tashkilotlar bilan bog'lanib, ushbu masalani hal qilish bo'yicha amaliy choralar ko'rish yuzasidan kelishuvga erishdi.

"Uymavut" MFY ning faoliyatini yanada takomillashtirish va fuqarolarga qulay sharoitlar yaratish uchun zarur choralar ko'riladigan bo'ldi. Bu tashabbuslar kelajakda mahallaning yanada yuksalishiga sababchi bo'lsa ne ajab.