Мәҳелле тек жергиликли басқарыў түри болып қалмай, халқымыздың күнделикли өмири, машқала
ҳәмде арман-тилеклери менен байланыслы болған социаллық институт есапланады. Мәҳалле
Ўатан ишиндеги кишкене ўатан болып, ата-бабаларымыздың үрип әдетлерин, салт-дәстүрлерин
өзинде жәмлеген мәкан есапланады. Бүгинги күнде мәҳаллелердеги ҳәр бир
имканиятты режеге айландырып жумыс орынларын жаратыў ушын ҳәмме шараятлар
жаратылмақта. Мәҳаллелерге банк ҳәм салық хызметкерлериниң бириктирилиўи инфраструктураны
жақсылаў ушын ажратылған қаржлардан дурыс пайдаланып жумсалыўында унамлы нәтийже
бермекте. Мәҳаллемизде жасаўшы пухаралардың машқалаларын, усыныс ҳәм пикирлерин
үйрениў ушын Жоқары Кенес, жергиликли Кенес депутатлары, район басшылары,
министрликтен келген ўәкиллердиң тез-тез ушырасыўлар өткериўи мәҳаллелеримиздиң
социал-экономикалық раўажланыўына, кәмбағаллықты қысқарыўына, жумыссызлықтың
азайыўына ҳәмде халқымыздың турмыс дәрежесиниң жақсыланыўына өз тәсирин
тийгизбекте, себеби, машқалалар сол жердин өзинде жазып алынып, қысқа мүддетте
унамлы шешим табылыўына ерисилмекте.

Халық депутатлары Шоманай районлық Кеңеси депутаты А.Юсупов