Yangi O‘zbekistonda o‘zbek tilining xalqimiz ijtimoiy hayotida va xalqaro miqyosdagi nufuzini tubdan oshirish, o‘sib borayotgan yoshlarimizni vatanparvarlik, milliy an’ana va qadriyatlarimizga sadoqat ruhida tarbiyalash, buyuk ajdodlarimizning boy merosini meros qilib olish, davlat tilining mamlakatimizda to‘laqonli hayotga tatbiq etilishini ta’minlashga qaratilgan yangi tashabbuslarni ilgari surish g‘oyat muhim.

Eng muhimi, bu boradagi sa’y-harakatlar, bir tomondan, sohada to‘planib qolgan muammo va kamchiliklarni bartaraf etishga xizmat qilmoqda. Boshqa tomondan, mamlakatimizda o‘zbek tilini davr talabidan kelib chiqib rivojlantirish, uning davlat tili sifatidagi mavqei va ta’sirini yanada mustahkamlash borasidagi mas’uliyatli vazifalarni samarali amalga oshirishda yangi tashabbuslar nihoyatda zarur.