21-oktabr kuni O‘zbek tiliga davlat tili maqomi berilgan sana sifatida mamlakatimizning har bir go‘shasida alohida hurmat bilan nishonlanadi. Ushbu kunda ona tilimizning beqiyos qadri, xalqimizning o‘zligini va tarixini ifodalashdagi o‘rni yana bir bor yodga olinadi.
Xalq deputatlari Zarbdor tuman Kengashi jamoasi butun yurtdoshlarimizni ushbu ulug‘ sana – O‘zbek tili bayrami bilan tabriklaydi va tilimizni e’zozlash, asrab-avaylashda barchani birlashishga chaqiradi. Ona tilimizning ulug‘vorligi, uning kelajak avlodga yetkaziladigan bebaho meros sifatida avaylanishi va yangi cho‘qqilarga olib chiqilishi har birimizning sharafli burchimizdir.
Keling, bu kunni ona tilimizning buyukligini his etib, tilimizni asrash va boyitish yo‘lida yangi qadamlar tashlaylik!

Xalq deputatlari Zarbdor tuman Kengashi Kotibiyati