Yo‘l infratuzilmasini yaxshilash borasidagi amaliy ishlar davom etmoqda:

Aholidan kelib tushgan murojaatlar asosida deputat tomonidan masalaning joyidagi holati o‘rganilib, yo‘lning yaroqsiz holati to‘g‘risida aniqlangan ma’lumotlar tegishli mutasaddi tashkilotlarga yetkazildi. Ushbu muammo dolzarbligi sababli hududiy ijtimoiy-iqtisodiy rivojlanish dasturiga kiritildi.

Deputatning tashabbusi va faolligi bilan yo‘lga ma’lum miqdorda tosh (shag‘al) to‘kildi, og‘ir ahvolda bo‘lgan, harakatlanish imkoniyati deyarli yo‘q bo‘lgan uchastkalar esa to‘liq asfaltlandi.

Amalga oshirilgan ishlar deputat va fuqarolar ishtirokida o‘rganilib, foydalanishga topshirildi. Aholi yo‘lning sifatli ta’mirlanishi va murojaatga e’tibor qaratilganidan mamnunligini bildirdi.

Bu kabi ishlanmalar joylardagi infratuzilmani yaxshilash, aholining kundalik hayotini yengillashtirish va davlat siyosatining amaliy natijasidir.