Xalq deputatlari Angor tumani Kengashi 15-Qo‘shtegirmon saylov okrugi deputati Almardonov Nurqobil tomonidan haftalik ish rejaga asosan Madaniyat mahallasida fuqarolar murojaatlari bilan ishlash tizimi o‘rganildi.

O‘rganish davomida aholidan kelib tushayotgan murojaatlarni qabul qilish, ularni belgilangan tartibda ro‘yxatga olish va muammolarni o‘z vaqtida hal etish borasida amalga oshirilayotgan ishlar tahlil qilindi.

Shuningdek, mahalladagi ijtimoiy xodimning faoliyati, aholining ijtimoiy ehtiyojmand qatlamlari bilan ishlash, ularning muammolarini aniqlash va zarur ijtimoiy xizmatlar bilan ta’minlash borasidagi faoliyati ham o‘rganib chiqildi.

O‘rganish yakunlari bo‘yicha aniqlangan muammolarni bartaraf etish, fuqarolar murojaatlariga e’tiborli yondashish hamda aholiga ko‘rsatilayotgan ijtimoiy xizmatlar samaradorligini oshirish yuzasidan tegishli tavsiyalar berildi.

🤝 Deputatlik nazorati va o‘rganish ishlari orqali aholi muammolarini aniqlash hamda ularning amaliy yechimini ta’minlashga alohida e’tibor qaratilmoqda.