TUMANDA HUQUQ-TARTIBOT VA JAMOAT XAVFSIZLIGINI TA’MINLASH BO‘YICHA TUMAN ICHKI ISHLAR BO‘LIMI BOSHLIG‘INING HISOBOTI ESHITILDI 

Xalq deputatlari Quva tuman Kengashining navbatdagi 27-sessiyasi kun tartibidagi masalalar doirasida 2026-yilning birinchi yarim yilligida tumanda huquqbuzarliklar va jinoyatchilikning oldini olish hamda ularni qisqartirish, huquqbuzarliklar profilaktikasini samarali tashkil etish, jamoat xavfsizligini ta’minlash, korrupsiyaning oldini olish borasida amalga oshirilgan ishlar hamda kelgusidagi vazifalar ijrosi yuzasidan tuman Ichki ishlar bo‘limi boshlig‘i F.Usarov hisobot berdi. 

Hisobotda tumandagi kriminogen vaziyat tahlili, huquqbuzarlik va jinoyatlarning barvaqt oldini olish, ularning sodir etilishiga sabab bo‘layotgan omil va shart-sharoitlarni bartaraf etish, mahallalarda profilaktik tadbirlarni kuchaytirish, jamoat xavfsizligini ta’minlash, korrupsiyaga qarshi kurashish hamda bu borada amalga oshirilgan ishlar
yuzasidan batafsil ma’lumot berildi. 

Shuningdek, hisobot yakunida huquqbuzarliklar profilaktikasi samaradorligini yanada oshirish, jinoyatchilikka qarshi kurashish, mas’ul idoralar hamkorligini mustahkamlash hamda belgilangan vazifalarning so‘zsiz ijrosini ta’minlash yuzasidan kelgusidagi ustuvor vazifalar belgilab olindi.