🏛 OʻzLiDePdan saylangan Xalq deputatlari Shayxontohur tuman Kengashi 23-Yangi Jarariq saylov okrugi deputati N.Karimov, kotibiyat bosh mutaxassisi X.Shermuxamedov va O'zLiDeP tuman Kengashi raisi o'rinbosari A.Gafurovlar "Yangi Jarariq" mahalla fuqarolar yigʻinida mahalla infratuzilmasini rivojlantirish yuzasidan oʻrganish oʻtkazdi.
Oʻrganishda mahalla fuqarolar yigʻini hududidagi 6-uyning orqa tarafida jyolashgan bolalar maydonchasida tunggi yoritish tizimini taʼmirlash va hududni obodonlashtirish masalalar muhokama qilindi.
Shuningdek, oʻrganish jarayonida mahalla fuqarolar yigʻini binosining oldida barpo etilgan bogʻning sugʻorish tizimi bugungi kunda elektr tarmoqlaridan uzib qoʻyilganligi aniqlandi.
Oʻrganish vaqtida aniqlangan muammolarni bartaraf etish yuzasidan tuman hokimligi masʼullariga va tegishli tashkilotlarga deputat soʻrovlari kiritilishi va hamkorlikda hal etilishi maʼlum qilindi.
Deputat oʻz faoliyatini davom ettirib, mahalla aholisi bilan muntazam uchrashuvlar oʻtkazib borishini taʼkidladi.