Xalıq deputatları Qaraózek rayonlıq Keńesiniń gezektegi on toǵızınshı sessiyası bolıp ótti. 

Sessiyanı Keńes baslıǵı G.Yusupova basqarıp bardı. Sessiya reglamenti belgilenip, deputatlar májilis xatkeri hám kún tártibin tastıyıqladı.

Sessiyaǵa rayonlıq Keńes deputatları, Keńes janındaǵı jaslar másláhát toparı, ekspert aǵzaları, hákim orınbasarları, siyasiy partiyalar, rayonlıq mákeme, shólkemler, puqaralar jıyınları hám ǵalaba xabar qurallarınıń wákilleri qatnastı. Kún tártibinde dáslep Ózbekstan Respublikası Prezidentiniń 2025-jıl 20-oktyabrdegi PP-185-sanlı Pármanınıń 4-bántine tiykarlanıp 2026-jıldıń birinshi sheregi dawamında Qaraózek rayonı aymaǵında ayrıqsha jaǵdaylardıń aldın alıw tarawında ámelge asırılǵan jumıslar haqqında rayon hákimi Anvar Baymuratovtıń esabatı dodalandı. 

Deputatlardıń usınısları menen sheshim qabıl etildi.Sessiyada Ózbekstan Respublikası Prezidentiniń 2026-jıl 5-yanvar kúngi «2026-jılda Respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sisteması nátiyjeliligin jánede asırıw boyınsha ilajlar haqqında»ǵı PQ-1-sanlı qararınıń orınlanıwı boyınsha ámelge asırılǵan jumıslar haqqında rayon prokurorı B.Aberkulovtıń málimlemesi kórip shıǵılıp, deputatlar sheshim qabıl etti. Sessiya kún tártibine kiritilgen Qaraózek rayonı Ádillik bólimi tárepinen 2026-jıldıń birinshi sheregi dawamında ámelge asırılǵan jumısları boyınsha bólim baslıǵı A.Iskenderovtıń málimlemesi hám Qaraózek rayonı hákiminiń qurılıs, tosqınlıqlarsız ortalıq jaratıw, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı – Abadanlastırıw basqarması baslıǵı G.Ametov, rayon hákimi orınbasarı, shańaraq hám hayal-qızlar bólimi baslıǵı R.Sagidullaevalardıń 2026-jıldıń birinshi sheregi dawamında ámelge asırılǵan jumısları boyınsha esabatları tıńlanılıp, tiyisli sheshimler qabıl etildi. Sonday-aq, sessiyada Qaraózek rayonı boyınsha 2026-jıl vegetaciya dáwirinde suwǵarıw jumısları ushın ajıratılǵan suw limitin tastıyıqlaw haqqında rayonlıq «Suw jetkerip beriw xızmeti» mámleketlik mákemesi direktorı B.Aytbaevtıń hám Ózbekstan Respublikası Prezidentiniń 2023-jıl 28-iyuldegi “Qaraqalpaqstan Respublikası xalqın sociallıq qollap-quwatlaw hám de fizikalıq shaxslar tárepinen qurılǵan turaq-jaylarǵa bolǵan huqıqlardı tán alıw haqqında”ǵı PP-119-sanlı Pármanınıń orınlanıwı boyınsha kadastrlar palatası rayonlıq filialı baslıǵı J.Turdıkulovlardıń usınısları tıńlanıp, maqullandı hám tiyislisinshe sheshimler qabıl etildi. Bunnan soń Qaraqalpaqstan Respublikası Ekologiya hám ıqlım ózgeriwi Komiteti Qaraózek rayonı bóliminiń ámelge asırılǵan jumısları haqqında bólim baslıǵı wazıypasın atqarıwshı Q.Dilekeevtıń esabatı tıńlandı. Bul baǵdarda rayonlıq Keńestiń agrar, suw xojalıǵı hám ekologiya máseleleri boyınsha turaqlı komissiyasınıń usınısları menen tiyisli sheshim qabıl etildi. Sessiyada Xalıq deputatları rayonlıq Keńesiniń turaqlı komissiyaları tárepinen usınılǵan máseleler tolıǵı menen kórip shıǵılıp, sheshimler qabıl etildi. 

Deputatlar tárepinen kún tártibindegi máseleler boyınsha pikir, usınıslar bildirildi, tarawlarda aldaǵı isleniwi tiyis wazıypalar belgilendi hám sessiya on toǵızınshı sessiya óz jumısın juwmaqladı. 

Sessiya jumısı Keńestiń social tarmaqtaǵı arnawlı (https://www.facebook.com/groups/486397143061452) betlerinde tuwrıdan-tuwrı jarıtıldı.