📍 Xalq deputatlari Toshkent shahar Kengashi deputati Ulug‘bek Rasulov hamda Xalq deputatlari Chilonzor tuman Kengashi deputati Doniyor Isxakov 25-Qatortol saylov okrugiga qarashli “Xalqlar do‘stligi” mahalla fuqarolar yig‘inida aholi bilan uchrashib, 2026-yilning birinchi choragi davomida amalga oshirgan faoliyati yuzasidan batafsil axborot berdi. Uchrashuvda O‘zbekiston Ekologik partiyasi Toshkent shahar Kengashi raisi Sevara Fayziyeva, Chilonzor tuman Kengashi raisi Muqaddas Tursunova, mahalla raisi Svetlana Suhova, mahalla yettiligi a’zolari, faollar, nuroniylar hamda uy va ko‘cha boshilari ishtirok etdi.

🗣 Deputatlar o‘z axborotida hisobot davrida aholi murojaatlarini o‘rganish, ularni tizimli hal etish, hudud infratuzilmasini yaxshilash va ijtimoiy muammolarni bartaraf etish borasida amalga oshirilgan ishlar haqida ma’lumot berdi. Ta’kidlanganidek, 2026-yilning birinchi choragi davomida deputatlar Xalq deputatlari Toshkent shahar va tuman Kengashlari sessiyalarida hamda doimiy komissiyalar yig‘ilishlarida faol ishtirok etib, poytaxtni ijtimoiy-iqtisodiy rivojlantirish, mahallalarni obodonlashtirish, kommunal xizmatlar sifatini oshirish hamda fuqarolar murojaatlarini tizimli hal etishga qaratilgan masalalar yuzasidan o‘z takliflarini ilgari surdi hamda qabul qilingan qarorlar ijrosi ustidan deputatlik nazoratini olib bordi.

📉 Uchrashuv davomida hududdagi dolzarb masalalar, jumladan chiqindilarni o‘z vaqtida olib chiqish tizimini takomillashtirish, noqonuniy qurilishlarning oldini olish, bolalar maydonchalarini tashkil etish, mahalla hududini obodonlashtirish va infratuzilmani yaxshilash kabi yo‘nalishlar muhokama qilindi. Ayrim murojaatlar yuzasidan mas’ul tashkilot vakillari bilan joyida muhokamalar o‘tkazilib, mavjud muammolarni bartaraf etish bo‘yicha aniq chora-tadbirlar belgilandi.

🌀 Shuningdek, deputatlar tomonidan hududdagi muammolarni joyiga chiqib o‘rganish, mas’ul tashkilotlar bilan hamkorlikda ularni bartaraf etish hamda fuqarolar bilan doimiy ochiq muloqotni yo‘lga qo‘yish ustuvor vazifa sifatida belgilab olingani qayd etildi.

🔺 Uchrashuv yakunida fuqarolar tomonidan bildirilgan barcha murojaatlar yuzasidan tegishli tartibda o‘rganish ishlari tashkil etilishi, ularni ijobiy hal etish bo‘yicha mas’ul tashkilotlar bilan hamkorlik olib borilishi hamda deputatlik nazorati o‘rnatilishi alohida ta’kidlandi.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)

Slide 1 of 7