📍Xalq deputatlari tuman Kengashining navbatdagi yigirma birinchi sessiyasi 12-dekabr kuni soat 15:00 da tuman hokimligining majlislar zalida o‘tkaziladi  

 ⭐️ Bu haqda xalq deputatlari Bulung‘ur tuman Kengashi raisi S.Astonovning bugun, 5-dekabrad qabul qilgan " Xalq deputatlari Bulung‘ur tuman Kengashining navbatdagi yettinchi chaqiriq yigirma birinchi sessiyasini chaqirish to‘g‘risida"gi Farmoyishida ma’lum qilindi. 

 Sessiya kun tartibida quyidagi masalalar koʻrib chiqiladi: 

 - “Yashil makon” umummilliy loyihasi doirasida tumanda amalga oshirilayotgan ishlar, aholining ekologik madaniyatini yuksaltirish borasida amalga oshirilayotgan chora-tadbirlar natijasi hamda ekologik nazoratni amalga oshirilishi bo‘yicha Samarqand viloyati Ekologiya, atrof-muhitni muhofaza qilish va iqlim o‘zgarishi boshqarmasi Bulung‘ur tuman bo‘limi boshlig‘i J.Nasimovning hisoboti. 

 - Tumanda jamoat salomatligi va kasalliklar profilaktikasi, aholining sanitar-epidemiologik osoyishtaligi sohasida olib borilgan ishlar, yuridik va jismoniy shaxslar tomonidan sanitar qoidalarga amal qilinishi holati to‘g‘risida Sanitariya epidemiologiya osoyishtalik va jamoat salomatligi qo‘mitasi Bulung‘ur tuman bo‘limi boshlig‘i I.Samanovning hisoboti. 

 - Tumanda yoshlarga oid davlat siyosatini amalga oshirish, yoshlar sohasidagi muammolarga samarali yechim topish, ularni har tomonlama qo‘llab-quvvatlash hamda yoshlar faoliyati bilan bog‘liq boshqa sohalar bo‘yicha amalga oshirilayotgan ishlar to‘g‘risida Yoshlar ishlari agentligi tuman bo‘limi boshlig‘i Z.Bohodirovning hisoboti. 

 - Tuman mahalliy budjetining qo‘shimcha manbalaridan foydalanish to‘g‘risida.  

 - Bulung‘ur tuman “Infratuzilma va ijtimoiy barqarorlik” jamg‘armasi hisobidan mablag‘ ajratish to‘g‘risida. 

 - Tuman mahalliy budjetining qo‘shimcha manbalaridan foydalanganlik to‘g‘risida tuman Iqtisodiyot va moliya bo‘limi o‘rinbosari T.Uljayevning hisoboti. 

 - Bulung‘ur tumanidagi bo‘lim va tashkilotlarida O‘zbekiston Respublikasining “Davlat tili haqida”gi qonuni va shu sohada qabul qilingan normativ-huquqiy hujjatlar ijrosi bajarilishi to‘g‘risida tuman hokimining ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi G‘.Shamanovning axboroti. 

Xalq deputatlari Bulung‘ur tuman Kengashi