DEHQON MFYDA HOKIM YORDAMCHISI FAOLIYATI O‘RGANILDI

14-Dehqon saylov okrugi deputati F. Egamberdiyeva tomonidan Dehqon mahalla fuqarolar yig‘inida faoliyat yuritayotgan hokim yordamchisi N. Boltаboyevning faoliyati o‘rganildi.

O‘rganish davomida hokim yordamchisi tomonidan mahallada aholi bandligini ta’minlash, tadbirkorlikni rivojlantirish, fuqarolarni kasb-hunarga yo‘naltirish hamda yangi ish o‘rinlari yaratish borasida amalga oshirilayotgan ishlar bilan tanishildi.

Shuningdek, aholining daromad manbalarini kengaytirish, tadbirkorlik faoliyatini boshlash istagidagi fuqarolarni qo‘llab-quvvatlash, imtiyozli kredit va subsidiyalardan foydalanish imkoniyatlarini tushuntirish hamda mahallaning iqtisodiy salohiyatini oshirish masalalari muhokama qilindi.

O‘rganish yakunida mavjud masalalarni hal etish, aholi bandligini ta’minlash va fuqarolarning murojaatlari bilan ishlashni yanada kuchaytirish yuzasidan tegishli tavsiya va takliflar bildirildi.