Muloqot davomida xotin-qizlarning jamiyatdagi nufuzini oshirish, ularning huquq va manfaatlarini ta’minlash, gender tenglik tamoyillarini hayotga izchil tatbiq etish masalalariga alohida e’tibor qaratildi.

Suhbat davomida xotin-qizlarning ijtimoiy hayotdagi faolligini oshirish, ularning ta’lim olishi, kasb-hunar egallashi, bandligini ta’minlash hamda mavjud imkoniyatlardan samarali foydalanishi masalalari yuzasidan fikr almashildi.

Shuningdek, mahallada xotin-qizlarni qo‘llab-quvvatlash, ularning tashabbuslarini rag‘batlantirish va jamiyat hayotida faol ishtirok etishi uchun zarur shart-sharoitlarni yanada kengaytirish bo‘yicha takliflar bildirildi.

Bunday ochiq muloqotlar xotin-qizlarning huquqiy va ijtimoiy faolligini oshirish, ularning muammolarini o‘rganish hamda manfaatlarini himoya qilishda muhim ahamiyat kasb etadi.

Faol va tashabbuskor xotin-qizlar — jamiyat taraqqiyotining muhim omilidir!