Xalq deputatlari Oltinsoy tumani Kengashi tomonidan tumandagi ijtimoiy va tibbiyot ob’ektlarida olib borilayotgan bunyodkorlik hamda ta’mirlash ishlarining borishi doimiy e’tiborga olingan.

Xususan, Oltinsoy tumani tibbiyot birlashmasiga qarashli tug‘riqxona binosida amalga oshirilayotgan qurilish-ta’mirlash jarayonlari atroflicha nazorat tartibida o‘rganildi.

O‘rganish tadbirida Xalq deputatlari Oltinsoy tumani Kengashi raisi Turdiyev Akrom Abdimuratovich hamda Kengash kotibiyati bosh mutaxassisi A.Esanov bevosita ob’ektning o‘ziga tashrif buyurib, jarayonlar bilan yaqindan tanishdilar.

O‘rganish davomida quyidagilarga alohida e’tibor qaratildi:

Ob’ektda berilgan amaliy topshiriqlar va jadval asosidagi ishlarning ijro holati;

Tug‘riqxona binosining texnik hamda konstruktiv holati;

Qurilish sohasida qo‘llanilayotgan xomashyo va sifatli qurilish materiallari bilan ta’minlanganlik darajasi.

Mas’ullar xavfsizlik qoidalariga qat’iy rioya qilish hamda ob’ektni belgilangan muddatlarda topshirish bo‘yicha pudratchi va mutasaddi tashkilotlar vakillariga tegishli tavsiya hamda ko‘rsatmalarni berib o‘tdilar.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz