Tajriba almashish doirasida mahallalardagi ishlar o‘rganildi

Xalq deputatlari Taxiatosh tumani Kengashi hamda Xalq deputatlari Surxondaryo viloyati Uzun tumani Kengashi vakillari o‘zaro tajriba almashish maqsadida mahallalarda amalga oshirilayotgan ishlar bilan tanishdilar.

Mehmonlarga Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich, O‘zbekiston XDP Taxiatosh tumani Kengashi raisi, Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan deputat Artikov Davron Omarbayevich hamda Xalq deputatlari Taxiatosh tumani Kengashiga O‘zbekiston Xalq demokratik partiyasidan saylangan deputat Taganberdiyev Galpak Arazdurdiyevich hamrohlik qildi.

📍 Tashrif davomida “Naymanko‘l” OFYda bo‘lib, hududda qishloq xo‘jaligini rivojlantirish, aholi bandligini ta’minlash va hunarmandchilik yo‘nalishidagi ishlar ko‘zdan kechirildi.

💬 Shuningdek, mahallalarda aholi bilan ishlash, mavjud imkoniyatlardan samarali foydalanish hamda hududni rivojlantirish borasidagi amaliy tajribalar yuzasidan fikr almashildi.

Bunday uchrashuvlar mahalliy Kengashlar faoliyatida ilg‘or tajribalarni o‘rganish va ularni amaliyotga tatbiq etishda muhim ahamiyat kasb etadi.