“Shamchiroq” MFYda kanalizatsiya tarmoqlari qurilishi o‘rganildi

Xalq deputatlari Taxiatosh tumani Kengashi kotibiyati mudiri, O‘zbekiston Ekologik partiyasidan saylangan deputat Matniyazov Akbar Qadirovich “Shamchiroq” MFY raisi bilan birgalikda “Shamchiroq” MFY 12-Ashxabat saylov okrugi hududida amalga oshirilayotgan kanalizatsiya tarmoqlarini qurish ishlari bilan joyiga chiqqan holda tanishdi.

🔎 O‘rganish davomida qurilish ishlarining borishi, loyiha talablariga rioya etilishi va obyektni belgilangan muddatlarda foydalanishga topshirish masalalari mutaxassislar bilan muhokama qilindi.

🛣 Shuningdek, asfalt qoplamalarini ehtiyotkorlik bilan kesib olish, qazish ishlari yakunlangach buzilgan yo‘l va piyodalar yo‘laklarini sifatli tiklash, qazish jarayonida hosil bo‘lgan qum va tuproqni hududda qoldirmasdan o‘z vaqtida olib chiqish masalalariga alohida e’tibor qaratildi.

🌱 Chang-to‘zon ko‘tarilishining oldini olish, qazilgan hududlarni belgilangan me’yorlar asosida tiklash hamda obodonlashtirish ishlarini qurilish jarayoni bilan uyg‘un holda olib borish yuzasidan tegishli tavsiyalar berildi.

🤝 Asosiy e’tibor — qurilish ishlarini sifatli tashkil etish va aholi uchun yuzaga kelishi mumkin bo‘lgan noqulayliklarni imkon qadar kamaytirishga qaratildi.