Xalq deputatlari Fargʻona shahar Kengashi raisi A.Soyibnazarov hamda deputatlar ishtirokida navbatdagi muhokama va oʻrganish yigʻilishi oʻtkazildi

🇺🇿Xalq deputatlari Fargʻona shahar Kengashi raisi A.Soyibnazarov boshchiligida shahardagi mahalla va hududlar infratuzilmasini yaxshilash, xususan, aholi hamda yoshlar uchun munosib sharoitlar yaratish borasidagi vazifalar ijrosi yuzasidan deputatlar bilan ishchi muloqot tashkil etildi.

➡️ Yigʻilish davomida mahalla hududlarida zamonaviy bolalar oʻyingohlari va sport maydonchalarini barpo etish, ularning loyiha-hujjatlari va qurilish rejalari atroflicha muhokama qilindi. Ayniqsa, yosh avlodning boʻsh vaqtini mazmunli tashkil etish, aholi murojaat va takliflarida aks etgan masalalarga alohida eʼtibor qaratildi.

⌛ Muhokamalar jarayonida loyihalarning sifati, xavfsizlik talablariga mosligi hamda belgilangan muddatlarda foydalanishga topshirilishi boʻyicha amaliy takliflar ilgari surildi.

✅ Muloqot yakunida rejalashtirilgan bolalar maydonchasi loyihasini tez fursatlarda amalga oshirish, qurilish ishlarini sifatli va manzilli tashkil etish hamda masʼullar zimmasiga tegishli vazifalarni yuklash boʻyicha qarorlar qabul qilindi.