Xalq deputatlari Qo‘qon shahar Kengashi deputati F.Mamajonov tomonidan “Oq Oltin” mahalla fuqarolar yig‘inida xotin-qizlar faoli M.Axmedova tomonidan O‘zbekiston Respublikasining 2019-yil 2-sentabrdagi O‘RQ-561-sonli “Xotin-qizlarni tazyiq va zo‘ravonlikdan himoya qilish to‘g‘risida”gi Qonuni ijrosi yuzasidan amalga oshirilayotgan ishlar bo‘yicha o‘rganish o‘tkazildi.

O‘rganish davomida “Oq Oltin” MFY xotin-qizlar faoli M.Axmedova tomonidan qonun talablarini amalga oshirish, xotin-qizlarni ijtimoiy va huquqiy jihatdan qo‘llab-quvvatlash hamda ularning muammolarini manzilli hal etish borasida olib borilayotgan ishlar yuzasidan ma’lumot berildi.

Jumladan, amalga oshirilgan ishlar natijasida:

32 ta ajrim yoqasidagi oila yarashtirilgan;

160 nafar xotin-qizning ijtimoiy holati o‘rganilib, tegishli tartibda “Ayollar daftari”ga kiritilgan;

2 nafar xotin-qizga profilaktika inspektori tomonidan himoya orderi berilgan;

34 nafar ayol kasanachilik faoliyatiga jalb etilgan;

4 nafar ayolga imtiyozli kredit ajratilishida amaliy yordam ko‘rsatilgan;

42 nafar ayolga psixologik yordam ko‘rsatilgan;

34 nafar ayolga shahar Adliya bo‘limi bilan hamkorlikda huquqiy yordam ko‘rsatilgan;

3 nafar ayol vaucher asosida bepul kasb-hunarga o‘qitishga jalb etilganligi ma’lum bo‘ldi.

O‘rganish jarayonida xotin-qizlarning huquq va manfaatlarini himoya qilish, ularning bandligini ta’minlash, kasb-hunarga o‘qitish, tadbirkorlik faoliyatiga jalb etish hamda ijtimoiy himoyaga muhtoj ayollar bilan manzilli ishlash samaradorligini yanada oshirish masalalari yuzasidan fikr almashildi.

O‘tkazilgan uchrashuv va o‘rganish ishlariga Xalq deputatlari Qo‘qon shahar Kengashi kotibiyatining bosh mutaxassislari X.Abdullayev va A.Adxamov, O‘zbekiston Ekologik partiyasi Qo‘qon shahar Kengashi raisi A.Akbarov hamda “Madad” NNT bosh mutaxassisi M.Toshboltaeva tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi