Xalq deputatlari Mirzo Ulug‘bek tumani Kengashi deputati, O‘zbekiston Ekologik partiyasi a’zosi Shuxrat Fayziyev “Minglola” okrugidagi obodonlashtirish ishlari bilan tanishdi.

Deputat hududda olib borilayotgan obodonlashtirish va ko‘kalamzorlashtirish ishlari jarayonini ko‘zdan kechirib, mahalla fuqarolari bilan suhbatlashdi.

Uchrashuvlar davomida mahalla infratuzilmasini yanada yaxshilash, aholi uchun qulay sharoitlar yaratish yuzasidan qilinadigan ishlar muhokama qilindi.

Shuningdek, mahalla faollari bilan birgalikda istiqboldagi ustuvor vazifalar va kechiktirib bo‘lmaydigan amaliy ishlar rejalashtirib olindi.