Mahallalarda xavfsizlikni ta’minlash, huquqbuzarliklarning oldini olish va jinoyatchilikka qarshi kurashish bo‘yicha amalga oshirilayotgan ishlarning samaradorligini o‘rganish doirasida deputatlik nazorati tadbiri o‘tkazildi.

🇺🇿Xalq deputatlari Kengashi deputati Usmanov N., Milliy gvardiya hamda ichki ishlar organlari xodimlari bilan birgalikda hududdagi ko’cha boshi, fuqarolar bilan ochiq muloqot o‘tkazdi. Suhbat davomida aholining tinchligi va xavfsizligini ta’minlash, mahallalarda huquqbuzarliklarning oldini olish hamda jinoyatchilikka olib kelishi mumkin bo‘lgan omillarni barvaqt aniqlash masalalariga alohida e’tibor qaratildi.

💬Fuqarolarning fikr-mulohazalari va murojaatlari tinglanib, ularni qiynayotgan masalalar yuzasidan mas’ul xodimlar bilan fikr almashildi. Ayniqsa, profilaktik ishlarni kuchaytirish, aholi bilan manzilli ishlash va xavfsizlikni ta’minlashda mahalla, ichki ishlar organlari hamda Milliy gvardiya o‘rtasidagi hamkorlikni yanada mustahkamlash muhimligi ta’kidlandi.

🤝Bunday ochiq muloqotlar nafaqat mavjud muammolarni aniqlash, balki ularning oldini olish, fuqarolar bilan yaqin hamkorlikni yo‘lga qo‘yish va mahallalarda osoyishta muhitni mustahkamlashga xizmat qiladi.

Bizni kuzatishda davom eting!