Shımbay rayonında basshı hám jaslar ushırasıwı ótkerildi

Búgin «Shaxtemir» MPJ aymaǵında jaylasqan Jaslar orayında «Basshı hám jaslar» atamasında ushırasıw shólkemlestirildi.

Ilajda Xalıq deputatları Shımbay rayonlıq Keńesi sekretariatı baslıǵı M.Zarikeev qatnasıp, búgingi kúnde jaslardı qollap-quwatlaw, olardıń bántligin támiyinlew hám baslamaların ámelge asırıwda jaratılǵan imkaniyatlarǵa toqtalıp ótti.

Ashıq tárizde ótken ushırasıwda belsendi jaslar ózlerin qızıqtırǵan sorawlarına, atap aytqanda, sociallıq-ekonomikalıq baslamalar hám basqa da máseleler boyınsha múrájat etti. Sonday-aq, jaslar tárepinen bántlik, isbilermenlikti rawajlandırıw, kásip-ónerge úyretiw hám bos waqıtların mazmunlı shólkemlestiriw boyınsha bir qatar usınıslar bildirildi.

Ushırasıw sońında jaslar tárepinen bildirilgen pikir-usınıslar tıńlanıp, tiyisli taraw qánigelerine tapsırmalar berildi.

Xalıq deputatları Shımbay rayonlıq Keńesi