Payshanba – yoshlar kuni munosabati bilan xalq deputatlari tuman Kengashi raisi X.Raximov Terakzor mahallasida bo‘lib, yoshlar
bilan ochiq muloqot o‘tkazdi hamda ularning murojaat va takliflarini tingladi. Uchrashuv davomida yoshlarni qiynayotgan masalalar, ularning bandligini ta’minlash, tadbirkorlik faoliyatini yo‘lga qo‘yish, kasb-hunar o‘rganish, ta’lim olish, sport va bo‘sh
vaqtni mazmunli tashkil etish bilan bog‘liq taklif hamda tashabbuslar muhokama qilindi. X.Raximov har bir murojaatga alohida e’tibor qaratib, ularni qonuniy tartibda hal etish yuzasidan mas’ullarga tegishli topshiriqlar berdi. Shuningdek, yoshlarning
tashabbuslarini qo‘llab-quvvatlash, ularning iqtidori va salohiyatini ro‘yobga chiqarish, hayotda munosib o‘rin egallashlari uchun zarur shart-sharoitlarni yaratish ustuvor vazifalardan biri ekani ta’kidlandi. Tadbir davomida yoshlar bilan doimiy muloqot qilish, ularning dardu tashvishlarini o‘z vaqtida o‘rganish hamda amaliy yechimlar topish davlat siyosatida muhim o‘rin tutishi
qayd etildi. Bunday uchrashuvlar yoshlarning muammolarini o‘z vaqtida hal etish, ularning tashabbuslarini rag‘batlantirish va davlat hamda jamiyat hayotidagi faol ishtirokini ta’minlashga xizmat qiladi.