Shu doirada Surxondaryo viloyati Transport boshqarmasi hamda "Termiztransportxizmat" MCHJ hamkorligida Xitoyning "ZHONGTONG BUS" kompaniyasida ishlab chiqarilgan 35 ta zamonaviy avtobus viloyatga yetkazib kelingan edi.

Bugungi kunda mazkur avtobuslarning faoliyati va yana "Zhong tong bus" kompaniyasidan yangi olib kelingan 15 ta avtobuslar deputatlar tomonidan o'rganildi.

Mazkur jarayonda xalq deputatlari viloyat Kengashi kotibiyati mudiri Sh.Boyqulov, 15-sanoat saylov okrugidan saylangan viloyat Kengashi deputati X.Allamurodov, shahar Kengashi kotibiyati mudiri A.Ashurov, shahar Kengashi deputati X.Xolmo'minov hamda tegishli mas'ullar ishtirok etdi.

Qolaversa, Termiz shaharning transport va yo‘l-transport infratuzilmasini rivojlantirish hamda aholiga transport xizmatlari ko‘rsatish sifatini oshirish va yangi jamoat transporti yo‘nalishlarini tashkil etish bo'yicha Kengash qarorlari qabul qilingan. Shuningdek, O‘zbekiston Respublikasi Oliy majlisi Senati Kengashining 2026-yil 2-iyul kuni Surxondaryo viloyatida o‘tkazilgan sayyor yig‘ilishida e’tirof etilgan kamchiliklarni bartaraf etish yuzasidan ishlab chiqilgan chora-tadbirlar rejasida ham mazkur masala nazoratga olingan.

Deputatlar tomonidan mas'ullarga tegishli ko'rsatmalar berildi. Kelgusida Termiz shahrida yo‘lovchi transportini yanada yangilash va avtobuslar parkni kengaytirish bo‘yicha ishlar izchil davom ettiriladi.