Maktabgacha ta’lim muassasasidagi shart-sharoitlar o‘rganildi

Xalq deputatlari Navoiy shahar Kengashi deputati Nargiza G‘aybullayevna Xudayqulova hamda Xalq deputatlari Navoiy shahar Kengashi kotibiyati bosh mutaxassisi Muborak Astanova tomonidan 20-sonli maktabgacha ta’lim muassasasida o‘rganish ishlari olib borildi.

O‘rganish jarayonida muassasadagi ta’lim-tarbiya jarayoni, tarbiyalanuvchilar uchun yaratilgan shart-sharoitlar, moddiy-texnik baza, sanitariya-gigiyena talablari hamda obodonlashtirish ishlari ko‘zdan kechirildi.

Shuningdek, muassasa rahbariyati bilan muloqot davomida mavjud muammolar va ularni bartaraf etish yuzasidan amalga oshirilishi lozim bo‘lgan chora-tadbirlar muhokama qilindi. Aniqlangan masalalarni hal etish bo‘yicha tegishli tavsiyalar berildi.

Mazkur o‘rganish ishlari maktabgacha ta’lim sifatini yanada oshirish, bolalar uchun xavfsiz va qulay muhitni ta’minlash hamda ta’lim muassasasining faoliyatini takomillashtirishga qaratilgan.