Xalq deputatlari Parkent tuman Kengashiga 19-"Chashma" saylov okrugidan saylangan deputat Xojiboyev Jalol Xotamboyevich tomonidan deputatlik nazorati doirasida Parkent tuman Axborot-kutubxona markazi faoliyati o‘rganildi.O‘rganishda tuman Kengashi kotibiyati bosh mutaxassisi Mirzayev Dilshod Ruxutdin o‘g‘li ham ishtirok etdi.Jarayonda markazning ish faoliyati, kitob fondi, kitobxonlar uchun yaratilgan sharoitlar hamda axborot-kutubxona xizmatlari sifati bilan tanishildi. Shuningdek, amaldagi qonunchilikdagi yangiliklar va qabul qilinayotgan me’yoriy-huquqiy hujjatlarning mazmun-mohiyati yuzasidan tushuntirishlar berildi.Suhbat davomida kutubxona fondida 66 ming 722 ta adabiyot mavjudligi, shundan 52 ming 937 tasi kitob ekani hamda kitobxonlar soni 9 ming 664 nafarga yetgani ma’lum qilindi.Shuningdek, muassasa xodimlarining taklif va mulohazalari tinglanib, axborot-kutubxona markazi faoliyatini yanada rivojlantirish, yoshlar o‘rtasida kitobxonlik madaniyatini keng targ‘ib etish, ularning bo‘sh vaqtini mazmunli tashkil etish masalalari muhokama qilindi.Deputatlik nazorati doirasidagi bunday o‘rganishlar aholi uchun ko‘rsatilayotgan xizmatlar sifatini yanada oshirish hamda sohada mavjud muammolarni bartaraf etishga xizmat qiladi.