Xalq manfaati yo‘lida: Fuqarolar qabuli va saylovchilar bilan ochiq muloqot

Uzun tumanida aholi murojaatlari bilan ishlash, ularni qiynayotgan muammolarga joyida amaliy yechim topish borasidagi tizimli ishlar davom etmoqda.

Xalq deputatlari Uzun tumani Kengashiga 6-Obizarang saylov okrugidan saylangan deputat, tuman hokimi Xabibulla Bozorov ishtirokida navbatdagi shaxsiy qabul hamda saylovchilar bilan uchrashuv o‘tkazildi.

Deputat va saylovchilar uchrashuvi

Dastlab, deputat X.Bozorov "Obizarang" hamda "Yangi shahar" mahalla fuqarolar yig‘inlarida bo‘lib, o‘z saylovchilari bilan yuzma-yuz muloqot qildi.

Uchrashuvda mahallalardagi infratuzilmani yaxshilash, aholi bandligi va ijtimoiy masalalar atroflicha muhokama qilindi.

Suhbat va uchrashuvlar Xalq qabulxonasida fuqarolarning shaxsiy qabuli bilan davom etdi.

26 nafar fuqaroning murojaat va takliflari tinglandi.

7 ta murojaat aynan qabul jarayonining o‘zida, joyida ijobiy hal etildi.

Qo‘shimcha o‘rganish va muddat talab qiladigan qolgan masalalar yuzasidan mas’ullarga aniq topshiriqlar berilib, deputatlik va hokimlik nazoratiga olindi.
Bizni kuzatib boring va yangiliklardan xabardor bo‘ling!