Xalq deputatlari Jondor tumani Kengashiga 2-Aleli saylov okrugidan saylangan deputat Z. Shomurodova hamda tuman Kengashi kotibiyati bosh mutaxassisi J. Norovlar hamkorligida Navgadi mahallasi hududida kapital ta’mirlanayotgan bolalar sport maydonida o‘rganish ishlari olib borildi.
🔹O‘rganish jarayonida mazkur sport maydonini elektr energiyasi bilan ta’minlashda mavjud muammolar, shuningdek, hududga qo‘shimcha elektr simyog‘ochlari o‘rnatish zarurligi aniqlandi. Ushbu kamchiliklar sport maydonidan kechki vaqtlarda xavfsiz va samarali foydalanish imkoniyatlarini cheklayotgani qayd etildi.
🔹Aniqlangan holatlar yuzasidan muammoni tezkor hal etish maqsadida tuman elektr ta’minoti korxonasi rahbari O. Usmonov nomiga deputat so‘rovi yuborildi. So‘rovda kapital ta’mirlanayotgan bolalar sport maydonini barqaror elektr energiyasi bilan ta’minlash, zarur joylarga elektr simyog‘ochlarini o‘rnatish hamda elektr tarmoqlarini belgilangan talablar asosida tashkil etish bo‘yicha amaliy choralar ko‘rish so‘raldi.
🔹Xalq deputatlari Jondor tumani Kengashi tomonidan aholi, ayniqsa yoshlar uchun yaratilayotgan ijtimoiy infratuzilma obyektlarining sifatli va to‘liq faoliyat yuritishini ta’minlash, joylarda aniqlanayotgan muammolarni tegishli tashkilotlar bilan hamkorlikda bartaraf etish borasida deputatlik nazorati izchil davom ettiriladi.