️Tasdiqlangan reja grafik asosida hamda navbatdagi sessiya kun tartibiga kiritilishi rejalashtirilgan masala Xalq deputatlari Jondor tumani Kengashiga 19-Xumin saylov okrugidan saylangan deputat N.Fatullayeva, O‘zbekiston Ekologik partiyasi tuman Kengashi deputatlik guruhi hamda tuman Kengashi kotibiyati bosh mutaxassislari J.Norov va R.Murodovlar hamkorligida ekologiya, atrof muhitni muhofaza qilish va iqlim o‘zgarishi Jondor tumani bo‘limi faoliyati o‘rganildi.
️O‘rganish davomida bo‘lim tomonidan atrof muhitni muhofaza qilish, ekologik nazoratni ta’minlash, chiqindilar bilan ishlash tizimini takomillashtirish, yashil hududlarni kengaytirish, daraxt va butalarni muhofaza qilish hamda aholi o‘rtasida ekologik madaniyatni yuksaltirish borasida amalga oshirilayotgan ishlar bilan yaqindan tanishildi.
️Shuningdek, hududda ekologik qonunchilik talablariga rioya etilishi, tabiatni muhofaza qilishga qaratilgan profilaktik tadbirlar, jismoniy va yuridik shaxslar bilan olib borilayotgan tushuntirish ishlari hamda mavjud muammolar va ularni bartaraf etish yuzasidan ko‘rilayotgan chora-tadbirlar muhokama qilindi.
️O‘rganish yakunida soha faoliyati samaradorligini yanada oshirish, ekologik nazoratni kuchaytirish, aholi o‘rtasida ekologik madaniyatni yuksaltirishga qaratilgan targ‘ibot ishlarini kengaytirish hamda aniqlangan kamchiliklarni bartaraf etish bo‘yicha tegishli taklif va tavsiyalar berildi.
️Xalq deputatlari Jondor tumani Kengashi deputatlari tomonidan bu kabi o‘rganishlar hududlarda ekologik barqarorlikni ta’minlash, aholi uchun sog‘lom va musaffo atrof-muhitni shakllantirish hamda davlat ekologik siyosatining joylarda samarali ijrosini ta’minlashga xizmat qilishi ta’kidlandi.