Xalq deputatlari Andijon shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi, shahar Kengashi deputati A. Appaqov kotibiyat bosh mutaxassisi bilan birgalikda Andijon shahar 6-son oilaviy poliklinikasida bo‘ldi.

Tashrif davomida poliklinika xodimlari bilan korrupsion holatlarning oldini olish, aholiga sifatli tibbiy xizmat ko‘rsatish hamda bepul berilishi belgilangan dori-darmon vositalarini o‘z vaqtida yetkazib berish masalalari yuzasidan suhbat o‘tkazildi.

Shuningdek, yangi qurib bitkazilgan binoga yaqin kunlarda ko‘chib o‘tilishi munosabati bilan yaratilgan zamonaviy shart-sharoitlardan samarali foydalanish, mas’uliyat bilan mehnat qilish va xizmat sifatini yanada oshirish yuzasidan tavsiyalar berildi.

Yakunda doimiy komissiya raisi tomonidan korrupsiyaning oldini olish bo‘yicha tushuntirish berdi va xodimlar ishtirokida so‘rovnoma o‘tkazildi.