Ta'lim maskani faoliyati deputat e'tiborida.

Xalq deputatlari Angor tumani Kengashining 19-Farovon saylov okrugi deputati Mamatmirzayeva Raxima tomonidan 26-sonli umumiy o‘rta ta'lim maktabi faoliyati o‘rganildi.

Tashrif davomida deputat maktab pedagoglari bilan samimiy muloqot o‘tkazib, ta'lim sifatini oshirish, yosh avlodni har tomonlama barkamol etib tarbiyalash hamda o‘quvchilarning bo‘sh vaqtini mazmunli tashkil etish masalalari yuzasidan fikr almashdi.

Shuningdek, maktabda tashkil etilgan ma'naviy-ma'rifiy va madaniy burchaklar bilan tanishilib, ularning o‘quvchilar dunyoqarashini kengaytirish, milliy qadriyatlar va vatanparvarlik tuyg‘ularini mustahkamlashdagi ahamiyati alohida e'tirof etildi.

O‘rganish yakunida ta'lim muassasasida olib borilayotgan ishlar yuzasidan deputat tegishli tavsiya va takliflar bildirdi.