Lotin yozuviga asoslangan o‘zbek alifbosiga o‘tish bo‘yicha qaror ijrosi o‘rganildi

🇺🇿 Vazirlar Mahkamasining 61-sonli “Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash chora-tadbirlari to‘g‘risida”gi qarori ijrosini ta’minlash maqsadida joylarda monitoring ishlari davom etmoqda.

⚡️ Xalq deputatlari Paxtachi tumani Kengashining 20-Do‘ng saylov okrugidan saylangan deputati Abror Sadinov tomonidan tumandagi 16-oilaviy poliklinikada mazkur qaror ijrosi yuzasidan o‘rganish o‘tkazildi.

🔍 O‘rganish jarayonida muassasada lotin yozuviga asoslangan o‘zbek alifbosini joriy etish bo‘yicha amalga oshirilayotgan ishlar, davlat tiliga oid qonunchilik talablariga rioya etilishi, ish yuritish hujjatlarining to‘g‘ri rasmiylashtirilishi, axborot va targ‘ibot materiallarining imlo qoidalariga muvofiqligi hamda bino peshlavhalarining davlat tilida to‘g‘ri yozilganligi ko‘zdan kechirildi.