Xalq deputatlari Boyovut tumani Kengashining 2026-yil 1-yarim yillik media-rejasida belgilangan vazifalar ijrosini ta’minlash maqsadida tuman hududidagi kutubxona, muzey hamda madaniyat markazlarining moddiy-texnik bazasi va aholiga ko‘rsatilayotgan xizmatlar sifati o‘rganilmoqda.

Shu munosabat bilan xalq deputatlari Boyovut tumani Kengashi raisi, deputatlar hamda Kengash kotibiyati bosh mutaxassislari tuman axborot-kutubxona markazi faoliyati bilan yaqindan tanishdilar.

O‘rganish davomida kutubxonada kitobxonlar uchun yaratilgan sharoitlar, mavjud kitob fondi, elektron xizmatlar, yoshlarni kitobxonlikka jalb etish borasida amalga oshirilayotgan ishlar hamda ma’naviy-ma’rifiy tadbirlar tashkil etilish holati ko‘zdan kechirildi.

Ma’lum qilinishicha, bugungi kunda kutubxona fondida 25 mingdan ortiq turli yo‘nalishdagi adabiyotlar mavjud bo‘lib, kelgusida yangi kitoblar hisobiga fondni yanada boyitish va kutubxona faoliyatini kengaytirish rejalashtirilgan.

Shuningdek, mutasaddilar tomonidan aholiga sifatli axborot-kutubxona xizmatlarini ko‘rsatish, ayniqsa yoshlar o‘rtasida mutolaa madaniyatini oshirish borasidagi ishlarni izchil davom ettirish yuzasidan tegishli tavsiya va takliflar bildirildi.