ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ КОТИБИЯТИДА ИШ ЖАРАЁНИ ТАШКИЛИЙ РАВИШДА ОЛИБ БОРИЛМОҚДА

Халқ депутатлари Янгиқўрғон тумани Кенгаши котибиятида иш куни белгиланган тартиб асосида, ходимларнинг ишга ўз вақтида келиши ҳамда кунлик вазифаларни тўғри режалаштиришдан бошланди.

📌 Бугунги ишчи йиғилишида ижро интизомини мустаҳкамлаш, фуқаролар мурожаатларини ўз вақтида ўрганиб чиқиш ҳамда уларга белгиланган муддатларда жавоб хатлари юборилишини назорат қилиш масалалари муҳокама қилинди.

📝 Йиғилиш давомида мазкур вазифалар юзасидан котибият бош мутахассиси К. Эгамбердиевга масъуллик юклатилди.

🌐 Шунингдек, ижтимоий тармоқларда маҳаллий Кенгашлар фаолиятини ҳафталик иш режалари асосида кенг ёритиш, депутатлик сўровлари юборилиши ва уларга сифатли жавоб берилишини мониторинг қилиб бориш вазифаси бош мутахассис Ш. Алимирзаевга топширилди.

🤝 Котибият фаолиятида тизимли иш ташкил этиш, мурожаатлар билан ишлаш самарадорлигини ошириш ҳамда очиқлик ва шаффофликни таъминлашга алоҳида эътибор қаратилмоқда.