🏫 Zamonaviy maktab – yorqin kelajak poydevori

O‘zbekiston Respublikasi Prezidentining 2024-yil 24-dekabrdagi PQ-454-sonli “2025–2027-yillarda ijtimoiy va ishlab chiqarish infratuzilmasini rivojlantirish chora-tadbirlari to‘g‘risida”gi qarori ijrosini ta’minlash maqsadida Sherobod tumani “G‘urjak 1” mahallasida joylashgan 5-son umumta’lim maktabi rekonstruksiya qilindi.

✨ Bugungi kunda mazkur ta’lim muassasasida o‘quvchilar zamonaviy talablar asosida yangilangan, barcha qulayliklarga ega sharoitlarda tahsil olmoqda. Maktab binosi to‘liq ta’mirlanib, o‘quv xonalari zamonaviy jihozlar bilan ta’minlandi hamda o‘quvchilar uchun yanada qulay muhit yaratildi.

👩💼 Xalq deputatlari Sherobod tumani Kengashi deputati, 17-G‘ambur saylov okrugidan saylangan deputat S. To‘rayeva “G‘urjak 1” mahallasiga tashrif buyurib, 5-son maktabda yaratilgan shart-sharoitlar bilan yaqindan tanishdi.

📌 Tashrif davomida amalga oshirilgan bunyodkorlik ishlari, ta’lim sifati va o‘quvchilar uchun yaratilgan imkoniyatlar alohida e’tirof etildi.

📚 Bu kabi keng ko‘lamli ishlar hududlarda ta’lim tizimini yanada rivojlantirish, yosh avlodni har tomonlama barkamol etib tarbiyalashga xizmat qilmoqda.