Yangiliklar
26 август 2026
Ǵárezsizlik jıllarında Medicinalıq mákemelerdi zamanagóy ásbap-úskeneler menen támiyinlew hám xalıqqa sapalı medicinalıq xızmet kórsetiwdi jáne de jaqsılaw baǵdarında Qanlıkól rayonında keń kólemli jumıslar ámelge asırılmaqta.
Ǵárezsizlik jıllarında Medicinalıq mákemelerdi zamanagóy ásbap-úskeneler menen támiyinlew hám xalıqqa sapalı medicinalıq xızmet kórsetiwdi jáne de jaqsılaw baǵdarında Qanlıkól rayonında keń kólemli jumıslar ámelge asırılmaqta.
Búgingi kúnde medicinalıq járdemdi óz waqtında hám sapalı kórsetiw, ásirese, qıstawlı jaǵdaylarda nawqastıń jaǵdayın tez bahalaw hám tiyisli medicinalıq járdem kórsetiw úlken áhmiyetke iye.
Usı baǵdarda Xalıq deputatları Qanlıkól rayonlıq Keńesiniń deputatı Q.Abdikarimov tárepinen rayonlıq medicina birlespesinde qıstawlı medicinalıq járdem kórsetiw boyınsha jaratılǵan imkaniyatlar boyınsha maǵlıwmat berdi.
EMERGENCY DEPARTMENT - zamanagóy qıstawlı járdem bólimi
Qanlıkól rayonı medicina birlespesinde baslamalı byudjet qarjıları esabınan, rayon hákimliginiń baslaması menen smeta bahası 1 milliard 500 million sum bolǵan zamanagóy EMERGENCY DEPARTAMENT qıstawlı járdem bólimi qurılıp, paydalanıwǵa tapsırıldı.
Bul bólimniń iske qosılǵanı rayon xalqına qıstawlı medicinalıq járdem kórsetiw sapasın jáne de arttırıwǵa xızmet etedi.
EMERGENCY DEPARTAMENT bóliminiń tiykarǵı ózgesheligi - nawqaslardıń jaǵdayın tez bahalap, olardıń keselliginiń awırlıq dárejesine qarap qızıl, sarı hám jasıl zonalarǵa ajıratıw arqalı tiyisli medicinalıq járdemdi óz waqtında baslaw imkaniyatı jaratılǵan.
Qızıl, sarı hám jasıl zonalar - tez hám anıq sheshim
Qızıl zonaǵa jaǵdayı awır, ómiri qáwip astında bolǵan nawqaslar alıp kelinip, olarǵa tez arada zárúr medicinalıq járdem kórsetiledi.
Sarı zonaǵa jaǵdayı ortasha awırlıqtaǵı, biraq tez arada tekseriw hám emlewdi talap etetuǵın nawqaslar jaylastırıladı.
Jasıl zonaǵa bolsa jaǵdayı salıstırmalı túrde turaqlı, biraq medicinalıq tekseriw hám járdemge mútáj bolǵan nawqaslar baǵdarlanadı.
Bunday sistemanıń engiziliwi medicina xızmetkerlerine nawqaslardıń jaǵdayın tez bahalaw, basım baǵdarın anıqlaw hám qıstawlı járdemdi kerekli dárejede shólkemlestiriw imkaniyatın beredi.
Zamanagóy ásbap-úskeneler hám qolaylı sharayat
Bunnan aldın rayonlıq medicina birlespesiniń qıstawlı medicinalıq járdem kórsetiw bóliminde nawqaslardı keselliktiń awır dárejesine qarap arnawlı zonalarǵa ajıratıp, arnawlı xanalarda tekseriw ushın jeterli imkaniyatlar bolmaǵan.
Endi bolsa jańa EMERGENCY DEPARTAMENT bóliminde arnawlı xanalar, zamanagóy medicinalıq ásbap-úskeneler hám tiyisli sharayatlar jaratılǵan.
Bólimniń kúni-túni, úzliksiz xızmet kórsetiwi nawqaslarǵa kúnniń qaysı waqtında bolıwına qaramastan, qıstawlı hám sapalı medicinalıq járdem alıwına imkaniyat beredi.
Sonday-aq, bólimniń zamanagóy talaplar tiykarında úskeneleniwi hám maman medicina kadrlarınıń xızmet etip atırǵanı xalıq salamatlıǵın saqlawda áhmietli faktor bolıp tabıladı.
Xalıq salamatlıǵı - eń joqarı qádiriyat
Qanlıkól rayonında medicina tarawında ámelge asırılıp atırǵan bunday jumıslar, birinshi gezekte, xalıqqa kórsetilip atırǵan medicinalıq xızmettiń sapasın arttırıwǵa baǵdarlanǵan.
1 milliard 500 million sumlıq joybar tiykarında jańa EMERGENCY DEPARTAMENT bóliminiń iske qosılǵanı rayonlıq medicina birlespesiniń materiallıq-texnikalıq bazasın bekkemlew menen birge, nawqaslarǵa tez, sapalı hám zamanagóy talaplarǵa juwap beretuǵın qıstawlı medicinalıq járdem kórsetiwdiń jańa basqıshın qáliplestirmekte.
Bul bolsa xalıqtıń densawlıǵın saqlaw, insan ómirin saqlaw hám medicinalıq xızmet sapasın jáne de joqarı dárejege kóteriw jolındaǵı áhmietli qádemlerdiń biri bolıp tabıladı.
Xalıq deputatları Qanlıkól rayonlıq Keńesiniń deputatı Q.AbdikarimovǴÁREZSIZLIK JÍLLARÍNDA XALÍQ BILIMLENDIRIW SISTEMASÍNDA TUPKILIKLI REFORMALAR: QANLÍKÓL RAYONÍNDA JAŃA MEKTEP QURÍLÍSÍ
ǴÁREZSIZLIK JÍLLARÍNDA XALÍQ BILIMLENDIRIW SISTEMASÍNDA TUPKILIKLI REFORMALAR: QANLÍKÓL RAYONÍNDA JAŃA MEKTEP QURÍLÍSÍ
Ǵárezsizlik jıllarında elimizde bilimlendiriw tarawın rawajlandırıw, jas áwladqa sapalı bilim hám tárbiya beriw ushın zárúr bolǵan sharayatlardı jaratıw mámleketlik siyasattıń eń áhmiyetli baǵdarlarınan birine aylandı.
Búgingi kúnde bilimlendiriw sistemasında ámelge asırılıp atırǵan keń kólemli reformalar nátiyjesinde zamanagóy, barlıq qolaylıqlarǵa iye bilimlendiriw mekemelerin qurıw hám jańalawǵa ayrıqsha itibar berilmekte. Bul bolsa jas áwladtıń sapalı bilim alıwı, olardıń hár tárepleme jetilisiwi hám keleshektegi jetiskenlikleri ushın bekkem tiykar bolıp xızmet etedi.
Usı baǵdarda Qanlıkól rayonında da bilimlendiriw infrastrukturasın jańalaw hám zamanagóy mekteplerdi qurıw boyınsha keń kólemli jumıslar alıp barılmaqta.
Qanlıkól rayonı Keńesi sekretariat baslıǵı T.Mamutovtıń maǵlıwmatına qaraǵanda, Ózbekstan Respublikası Prezidentiniń 2025-jıl 27-dekabrdegi PQ-393-sanlı qararı tiykarında rayon aymaǵında jańa bilimlendiriw obektin qurıw boyınsha jumıslar ámelge asırılmaqta.
580 orınǵa mólsherlengen jańa mektep qurılısı juwmaqlanıw aldında tur . Belgilengen joybar sheńberinde jámi 11 milliard 720 million sum muǵdarındaǵı qarjı esabınan qurılıs jumısları alıp barılmaqta.
Házirgi waqıtta obektte qurılıs jumısları juwmaqlanıw aldında. Qurılıstıń juwmaqlanıwı menen oqıwshılar ushın zamanagóy hám qolaylı sharayatlar jaratılıp, bilimlendiriwdiń sapasın jáne de arttırıwǵa imkaniyat payda boladı.
Jańa mekteptiń paydalanıwǵa tapsırılıwı rayon aymaǵındaǵı bilimlendiriw infrastrukturasın jańalaw menen birge, oqıwshılardı sapalı bilim menen qamtıp alıw, pedagoglar ushın qolaylı miynet sharayatların jaratıw hám jas áwladtıń bos waqtın mazmunlı ótkeriwine de keń imkaniyat beredi.
Zamanagóy mektep - sapalı bilim tiykarı
Búgingi mektep tek bilim beretuǵın orın emes, al balalardıń qábiletin ashıwǵa, olardı zamanagóy bilim hám kónlikpeler menen qamtıp alıwǵa baǵdarlanǵan bilimlendiriw ortalıǵı bolıwı kerek.
Sonlıqtan jańadan qurılıp atırǵan mekteplerde oqıwshılardıń bilim alıwı ushın qolaylı sharayatlar jaratıw, zamanagóy oqıw texnologiyaların engiziw, sport hám mádeniy ilajlardı ótkeriw ushın zárúr infrastrukturanı qáliplestiriw máselelerine ayrıqsha itibar berilmekte.
Bul sıyaqlı joybarlardıń ámelge asırılıwı Qanlıkól rayonında bilimlendiriw tarawınıń materiallıq-texnikalıq bazasın bekkemlewge, mekteplerdiń zamanagóy kelbetin qáliplestiriwge hám eń baslısı - jas áwladqa sapalı bilim beriw ushın jaqsı imkaniyatlar jaratıwǵa xızmet etedi.
Bul qurılıs jumıslarınıń juwmaqlanıwı hám jańa mekteptiń paydalanıwǵa tapsırılıwı Qanlıkól rayonında bilimlendiriw tarawın rawajlandırıw jolındaǵı jáne bir áhmiyetli qádem bolıp esaplanadı.
Xalıq deputatları Qanlıkól rayonlıq Keńesi sekretariatı baslıǵı T.Mamutov01 июл 2026
Qanlıkól rayonında Jaslar másláhát toparı aǵzaları menen ushırasıw ótkerildi
Qanlıkól rayonında Jaslar másláhát toparı aǵzaları menen ushırasıw ótkerildi
Ózbekstan Respublikası Oliy Majlisi Senatı Keńesiniń 2025-jıl 26-fevral kúngi “Xalıq deputatları wálayat, rayon hám qalalıq Keńesleri janında Jaslar másláhát toparın shólkemlestiriw haqqında”ǵı KQ-102-sanlı qararına muwapıq, jaslardıń belsendiligin arttırıw, olardıń baslamaların qollap-quwatlaw maqsetinde Xalıq deputatları Qanlıkól rayonlıq Keńesi janınan Jaslar másláhát toparı dúzilgen edi.
Usı qarar tiykarında Jaslar másláhát toparı aǵzaları menen Xalıq deputatları Qanlıkól rayonlıq Keńesi baslıǵı hám Keńes sekretariatı baslıǵınıń qatnasıwında ushırasıw ótkerildi.
Xalıq deputatları Qanlıkól rayonlıq Keńesi#Мúnásibet
Múnásibet
Saylawshılardıń mashqalaları unamlı sheshim taptı
“Qorazoy” saylaw okrugınan Xalıq deputatları Qanlıkól rayonlıq Keńesi deputatı K.Abdikarimov usı jıldıń 5 ayı dawamında belgilengen grafik tiykarında óz saylawshıları aldında ámelge asırǵan jumısları boyınsha saylawshılar menen ushırasıwlar ótkerip esabat berip kelmekte.
Ushırasıwlar dawamında elimizde ámelge asırılıp atırǵan keń kólemli demokratiyalıq reformalar, ásirese, Mámleketimiz basshısı tárepinen Qaraqalpaqstan Respublikasın sociallıq-ekonomikalıq rawajlandırıw, xalıqtıń abadanlıǵın arttırıw, injenerlik-kommunikaciya infrastrukturasın jaqsılaw, jańa jumıs orınların jaratıw jáne sociyallıq qorǵaw sistemasın bekkemlewge qaratılǵan Párman hám qararlardıń mazmun-mánisi haqqında keńnen maǵlıwmat berildi.
Tolıq hám Uzb- https://gov.uz/oz/qanlikol/news/view/185763
Kural Abdikarimov.
1-“Qorazoy” saylaw okrugınan Xalıq deputatları Qanlıkól rayonlıq Keńesi deputatı#Мúnásibet
#Мúnásibet
30-iyun -Jaslar kúni múnásibeti menen Prezidentimiz Shavkat Mirziyoevtiń basshılıǵında ótkerilgen videoselektor májilisi mámleketimizde jaslarǵa baylanıslı mámleketlik siyasattı jańa basqıshqa alıp shıǵıwǵa qaratılǵan áhmiyetli siyasiy waqıya boldı.
Májiliste jaslardı zamanagóy bilim hám kásip-ónerge bagdarlaw, olardıń bántligin támiyinlew, isbilermenlik baslamaların qollap-quwatlaw, bos waqıtların mazmunlı shólkemlestiriw, qábiyletli jaslardı hár tárepleme xoshametlew hám hár bir jas penen mánzilli islesiw boyınsha anıq wazıypalar belgilep berildi. Bul baslamalar elimizdiń rawajlanıwı hám Jańa Ózbekstannıń keleshegin támiyinlewde úlken áhmiyetke iye. Ózbekstan Xalıq demokratialıq partiyası insan qádiri, sociallıq ádillik hám xalıqtı sociallıq qorǵaw principlerine súyengen halda jaslardıń huqıqları menen máplerin támiyinlew, olardıń múnásip turmıs keshiriwi ushın keń imkaniyatlar jaratıwdı tiykarǵı wazıypalardan biri dep biledi.
I.Turkpenbaeva Xalıq deputatları Qanlıkól rayonlıq Keńesi deputatı
29 июн 2026
Сайлаўшылардың машқалалары унамлы шешим тапты
Сайлаўшылардың машқалалары унамлы шешим тапты
Мен, 1-“Қоразой” сайлаў округынан Халық депутатлары Қанлыкөл районлық Кеңеси депутаты Абдикаримов Курал Орынбаевич усы жылдың 5 айы даўамында белгиленген график тийкарында өз сайлаўшыларым алдында әмелге асырған жумысларым бойынша сайлаўшылар менен ушырасыўлар өткерип есабат берип келмектемен.
Ушырасыўлар даўамында елимизде әмелге асырылып атырған кең көлемли демократиялық реформалар, әсиресе, Мәмлекетимиз басшысы тәрепинен Қарақалпақстан Республикасын социаллық-экономикалық раўажландырыў, халықтың абаданлығын арттырыў, инженерлик-коммуникация инфраструктурасын жақсылаў, жаңа жумыс орынларын жаратыў және социаллық қорғаў системасын беккемлеўге қаратылған Пәрман ҳәм қарарлардың мазмун-мәниси ҳаққында кеңнен мағлыўмат берилди.
Сондай-ақ, Халық депутатлары Қанлыкөл районлық Кеңесиниң сессияларында қабыл етилген қарарлар, олардың халықтың турмыс дәрежесин жақсылаў, аймақларды комплексли раўажландырыў ҳәм социаллық машқалаларды шешиўдеги әҳмийети бойынша түсиндириў жумыслары алып барылды.
Ушырасыўда усы жыл ушын қабыл етилген "Мәҳәллелерди раўажландырыў ҳәм жәмиетти жоқарылатыў жылы" Мәмлекетлик бағдарламасы шеңберинде белгиленген тийкарғы ўазыйпалар, мәҳәллелер инфраструктурасын раўажландырыў, халықты социаллық қоллап-қуўатлаў, бәнтликти тәмийинлеў, исбилерменликти раўажландырыў, билимлендириў, денсаўлықты сақлаў ҳәм екологиялық турақлылықты тәмийинлеўге қаратылған илажлар ҳаққында да толық мағлыўмат берилди.
Есабат дәўири даўамында сайлаўшылардан жәми 5 мүрәжат келип түсти. Олардың ҳәр бири үйренилип, тийисли мәмлекетлик ҳәм хожалық басқарыў уйымлары және жуўапкер шөлкемлер менен биргеликте көрип шығылды. Нәтийжеде мүрәжатлардың тийкарғы бөлеги унамлы шешилди, қалғанлары бойынша әмелий илажлар көрилмекте.
Соның ишинде, Абдуллаева Набира Айтжан қызы мәселеси унамлы шешилип, халық ушын әҳмийетли болған машқалаларға шешим табылды. Бул болса сайлаўшылардың турмыс сапасы ҳәм турмыс шараятын және де жақсылаўға хызмет етти.
Ушырасыўлар даўамында сайлаўшылар мәмлекетимизде әмелге асырылып атырған реформаларды кеңнен қоллап-қуўатлайтуғынын, мәмлекетимиз тәрепинен инсан қәдирин улығлаў, халықты социаллық қорғаў ҳәм аймақларды раўажландырыў бағдарында әмелге асырылып атырған жумыслар өз турмысларында айқын сезилип атырғанын айрықша атап өтти.
Қуўанышлы тәрепи, сайлаў округым аймағындағы әҳмийетли машқалалар басқышпа-басқыш шешилмекте. Бул бағдарда халық пенен турақлы пикирлесиў, олардың пикир-усынысларын есапқа алыў депутатлық жумысымның тийкарғы бағдарларынан бири болып қалмақта.
Соның менен бирге, халық депутатлары Қанлыкөл районлық Кеңесиниң сессиялары, турақлы комиссиялар мәжилислери ҳәм депутатлық топарының жумысында турақлы қатнасып, партиямыз электоратының мәплерин қорғаў, халықты ойландырып атырған социаллық мәселелерди көтериў, қабыл етилип атырған қарарлардың халық мәплерине хызмет етиўи бойынша өз усыныс ҳәм басламаларымды алға қойып келмектемен.
Келешекте де сайлаўшыларым менен турақлы сөйлесиў, олардың машқала ҳәм усынысларын терең үйрениў, ҳәр бир мүрәжатқа жуўапкершилик пенен қатнас жасаў және олардың нызамлы мәплерин қорғаў депутатлық жумысымның тийкарғы бағдары болып қалады.
Курал Абдикаримов,
1-“Қоразой” сайлаў округынан Халық депутатлары Қанлыкөл районлық Кеңеси депутатыҚурылыс материаллары тармағын жаңа басқышқа алып шығыў - экономикалық раўажланыў ҳәм халықтың абаданлығының әҳмийетли факторы
Қурылыс материаллары тармағын жаңа басқышқа алып шығыў - экономикалық раўажланыў ҳәм халықтың абаданлығының әҳмийетли факторы